ՀՀ դեսպան Աշոտ Հովակիմյանի հանդիպումը Խորվաթիա-Հայաստան բարեկամական պատգամավորական խմբի նախագահ Դավոր Իվո Շտիրի հետ

03 փետրվարի, 2021

Փետրվարի 3-ին կայացավ ՀՀ դեսպան Աշոտ Հովակիմյանի տեսահանդիպումը Խորվաթիայի խորհրդարանում վերջերս ստեղծված Խորվաթիա-Հայաստան բարեկամական պատգամավորական խմբի նախագահ Դավոր Իվո Շտիրի հետ։ Կողմերը հաստատեցին երկու բարեկամական երկրների միջև հարաբերությունների ամրապնդման կարևորությունը, քննարկեցին միջխորհրդարանական համագործակցության հեռանկարները:

Դեսպանը պարոն Շտիրին հանգամանալից ներկայացրեց Արցախի դեմ ադրբեջանաթուրքական ագրեսիայի մանրամասները և հետևանքները, ստեղծված հումանիտար ճգնաժամի հասցեագրման ուղղությամբ ձեռնարկվող քայլերը, ԵԱՀԿ Մինսկի խմբի համանախագահության շրջանակներում ԼՂ խաղաղ գործընթացի վերականգնման անհրաժեշտությունը: Դեսպանը նաև ընդգծեց հայ ռազմագերիների անհապաղ վերադարձի հրամայականը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր